ஊர் கூடும் திரை அரங்கம் - டூரிங் டாக்கீஸ்

 

வெட்ட வெளிச்சம், மண்ணின் மணம்,

கூரை பாயில் திரை அரங்கம்.

கம்புக் கால்கள் நிறுத்திய கூடாரம்,

வந்து விட்டது நம் சினிமா தேசம்.

மாலை மயங்கும் நேரத்தில் ஆட்டம் பாட்டம்,

விளம்பரப் பதாகைகள் காற்றில் ஆடும்.

சீட்டு வாங்க சின்னக் கூட்டம்,

ஆர்வக் கண்ணில் ஆனந்த ஓட்டம்.

இருண்ட திரையில் வெள்ளை வெளிச்சம்,

சரசரவென ஓடும் படச்சுருள் சத்தம்.

ஹீரோ வருகையில் கைத்தட்டு சத்தம்.

பாயில் அமர்ந்து, சிலர் தரையில் கிடந்து,

குடும்பம் சகிதம் கதையில் ஆழ்ந்து.

பாடல் வந்தால் ஆர்ப்பரிப்போம்,

சோகம் வந்தால் கண்ணீர் துடைப்போம்.

வெளியில் விற்ற கடலை மணக்கும்,

காற்றின் அசைவில் திரையும் அசையும்.

நிலவொளியில் தெரியும் நிழல் கோலம்,

இது நம் கிராமத்துத் திரை வினோதம்.

காலம் மாறியது, அரங்குகள் வந்தன,

டூரிங் டாக்கீஸ் நினைவாக நின்றன.

அந்த அனுபவம் நெஞ்சில் நிலைத்ததம்மா.